Pas deklaratave të Presidentit të Republikës Ilir Meta se i duhet dhënë fund çdo marrëzie për ndryshimet kushtetuese, ka reaguar menjëherë kryeministri Edi Rama.
Në një postim në Twitter, kreu i qeverisë i përgjigjet Metës dhe Bashës duke i thënë “se s’duhet të merakosen për fatin e koalicioneve parazgjedhore”.
Me ironi ai thotë se “taksirat ta ndjekin parlamentin që e duan s’e duan është vendimmarrësi”.
Postimi i Ramës
As Jashtëparlamentarja, as Presidencialja s’duhet tê merakosen për fatin e koalicioneve parazgjedhore, sepse askush nuk do t’i ndalojë të vazhdojnë ta ndajnë ombrellën e opozitës së bashkuar edhe në zgjedhje! Taksirat ta ndjekin parlamentin që e duan s’e duan është vendimmarrësi!
Presidenciales i kujtoj se Kuvendi është sovran, i dëgjon të gjithë po vendos vetë! Dhe hapja e listave për t’i dhënë mundësi edhe qytetarëve e jo vetëm kryetarëve të zgjedhin deputetë, si dhe garantimi i përfaqësimit të grave në kushtet kur listat hapen, i bëjnë mirë vendit…
Shoh agjitim në radhët e opozitēs jashtëparlametare dhe asaj presidenciale për hapin e hedhur sot në Kuvend drejt hapjes së listave! Jashtëparlamentares i kujtoj se kemi një marrëveshje e do ta zbatojmë në çdo pikë, po kjo s’do të thotë që sharjet e provokimet nuk e rrezikojnë..