Një aksident tragjik është regjistruar në aksin Krumë-Kukës. Një makinë tip “Volkswagen Passat”, ka humbur kontrollin mbi drejtimin e automjetit dhe automjeti ka dalë nga rruga. Për pasojë shoferi me iniciale Z. S., ka mbetur i plagosur, teksa gruaja e tij pasagjere, shtetasja me iniciale F. S., 61 vjeçe, ka ndërruar jetë.
Më datë 25.02.2023, në aksin rrugor Krumë -Kukës, në vendin e quajtur “Qaf Tobli”, shtetasi Z. S., duke drejtuar automjetit tip “Volkswagen Passat”, ka humbur kontrollin mbi drejtimin e automjetit dhe automjeti ka dalë nga rruga.
Si pasojë e daljes nga rruga, ka humbur jetën bashkëshortja e tij, shtetasja F. S., 61 vjeçe, ndërsa drejtuesi i mjetit është dërguar në spitalin e Kukësit për ndihmë mjekësore.
Grupi hetimor po punon për zbardhjen e shkaqeve të aksidentit.