Ministri i Brendshëm, Ervin Hoxha, deklaroi nga Korça se Policia e Shtetit ka arritur të zbardhë masakrën e Dobraçit në Shkodër, ku humbën jetën katër persona gjatë një atentati, mes tyre edhe dy të pafajshëm.
Hoxha tha se Policia e Shtetit pritet të ketë së shpejti një deklaratë për media, ku do të japë detajet nga ngjarja e ndodhur dhe personat përgjegjës.
Ministri i Brendshëm Ervin Hoxha:
Kemi pasur disa raste dhe ngjarje kriminale me pasojë vdekjen. Policia në bashkëpunim me prokurorinë dhe SPAK është duke hetuar të gjitha këto ngjarje shumë shqetësuese për opinionin public. Besoj se do të kemi rezultate. Dje janë zhvilluar në Shkodër, operacione, kontrolle, ndalime dhe shoqërime të personave që janë të impikuar në ngjarje kriminale.
Besoj që shumë shpejt policia e shtetit do të dal me emrat e implikuar në ngjarjen e Dobraçit.