Të tjera detaje janë zbardhur nga ngjarja e frikshme në Fier, ku një 26-vjeçare vrau babain e saj duke e mbytut me tel.
Raportohet se, policia ka arrestuar edhe shokun e vajzës që kreu krimin, shtetasin Çlirim Dogani, pasi dyshohet se është përfshirë në ngjarje.
Sipas informacioneve paraprake, 55-vjeçari e ka ndihmuar të renë të mbyste babain e saj. Ata kanë përdorur sende të forta dhe prerëse në krim.
Njoftimi i policisë:
Punë e pandërprerë hetimore për zbardhjen e plotë të rrethanave të ngjarjes së ndodhur në fshatin Frashër, ku shtetasja E. R. vrau për motive të dobëta, babanë e saj.
Vihet në pranga bashkëpuntori i 26-vjeçares.
Në vijim të hetimeve të kryera me qëllim dokumentimin e plotë të rrethanave të ngjarjes, specialistët e Seksionit për Hetimin e Krimeve Kundër Personit të Drejtorisë Vendore të Policisë Fier bënë ndalimin e shtetasit Ç. D., 55 vjeç, banues në fshatin Arapaj, Roskovec.
Nga kryerja e hetimeve dyshohet se ky shtetas ka bashkëpunuar me shtetasen E. R., në vrasjen e babait të saj nëpërmjet strangulimit (mbytje me tel), si edhe duke përdorur sende të forta dhe mjete prerëse.
Materialet procedurale iu referuan Prokurorisë së Fierit, për veprime të mëtejshme.
