Këtë të hënë, ish deputeti Dashnor Sula ka marrë zyrtarisht në detyrën e Kryeinspektorit të Përgjithshëm.
Në fjalën e parë pas marrjes zyrtarisht ë detyrës, ish-demokrati Sula e cilësoi ceremoninë si moment si të veçantë dhe një sfidë personale e profesionale.
“Çdo person që kryen një funksion ka një detyrë për të përmbushur në bazë të ligjit dhe do të jetë në raport të drejtpërdrejtë me mua”, u shpreh Sula.
Kryeinspektori u ndal edhe te raportet me drejtuesit politikë dhe institucionalë.
“Përkushtimi do jetë maksimal, edhe nga pikëpamja formale e orarit deri te ora që mbyllet dhe unë ju garantoj se do jem 24 orë për cdo problem që do ketë dikush për të informuar apo për të dhëna që duhet kontakt. Padiskutim edhe me ministren dhe kryeministrin. Gjej rastin në këtë moment sinqerisht, pavarësisht se me zonjën ministre dhe ish-kolegen Gjylameti dhe kryeministrin Rama kemi qenë përballë njëri-tjetrit, kurrë nuk e kemi parë njëri-tjetrin si armiq, por për të çuar diçka më para për Shqipërinë. Për mua kjo detyrë nuk është privilegj, por një përgjegjësi jashtëzakonisht e madhe. Është një sfidë dhe një ‘dorashkë e hedhur’ për të përmbushur këtë mision”, deklaroi Sula.