Biznesmeni i njohur Mondi Mëhalla, i cili njihej edhe me emrin Edmond Hyka, u ekzekutua të dielën në një atentat mafioz që tronditi Elbasanin. Burime të siguruara nga policia sugjerojnë se shkaku i ekzekutimit mund të ketë qenë mosmarrëveshjet për ndarjen e fitimit në biznes dhe tensionet që kanë lindur nga kjo çështje.
Gjithashtu, mësohet se mes palëve ka pasur edhe incidente të mëparshme, të cilat mund të kenë kontribuar në organizimin e vrasjes.
Policia e Elbasanit, në kuadër të operacionit të koduar “Strike”, ka arrestuar dy persona të dyshuar si autorë të ngjarjes.
Shtetasit Xhino Ago dhe Kujtim Pisha, i cili ishte dhe roje sigurie në karburantin në pronësi të Mëhallës, janë arrestuar pas hetimeve intensive. Po ashtu, janë shpallur në kërkim dy persona të tjerë, Marselo Arani dhe Armando Kola, të cilët dyshohet se janë të lidhur me ekzekutimin e Mëhallës.
Policia ka njoftuar se hetimet po vazhdojnë dhe po punohet për zbardhjen e plotë të ngjarjes, duke siguruar gjithashtu informacion të mëtejshëm për autorët dhe motivet e mundshme pas këtij krimi mafioz.
