Komuniteti i ING në Gjermani, së bashku me kolegë dhe bashkëpunëtorë, ka reaguar me dhimbje të thellë ndaj ndarjes nga jeta të Eorda Sinollarit, 32 vjeçe, me banim në Frankfurt, e cila nderroi jete më 12 dhjetor 2025.
Eorda iu bashkua ING në janar të vitit 2021 dhe gjatë viteve të saj në këtë institucion kontribuoi në disa struktura të rëndësishme. Kohët e fundit ajo ushtronte detyrën e analistes së të dhënave në departamentin CoE Pricing & Product Analytics, ndërsa më herët kishte qenë e angazhuar në FCC Retail, në fushën e sistemeve kundër pastrimit të parave (AML).
Kolegët dhe drejtuesit e përshkruajnë si një profesioniste serioze dhe të përkushtuar, me një karakter të qetë, të sjellshëm dhe bashkëpunues. Ajo kishte ndërtuar jetën e saj profesionale në Gjermani, duke ruajtur një lidhje të fortë me familjen dhe duke qenë gjithmonë pranë saj me mbështetje dhe përkushtim.
Në mesazhet përkujtimore theksohet se Eorda ishte një person energjik, plot jetë dhe përgjegjësi, që deri në tetor të vitit 2024 vijoi të përmbushte me përkushtim angazhimet e saj profesionale, duke lënë pas një kontribut të vlefshëm dhe një kujtim të veçantë te të gjithë ata që e njohën.
Humbja e saj përfaqëson më shumë sesa largimin e një punonjëseje të aftë; është humbja e një njeriu me vlera të rralla njerëzore, e cila do të kujtohet për mirësinë, forcën e heshtur dhe ngrohtësinë që sillte në çdo marrëdhënie.
ING ka shprehur ngushëllimet më të sinqerta për familjen e Eorda Sinollarit, duke përcjellë njëkohësisht mirënjohjen për kontributin dhe përkushtimin që ajo la pas gjatë viteve të saj në institucion.
