Nga 0900 tek “ku*vat e partisë”/ Etika vendos sot për fjalët fyese në Kuvend nga Balla, Balliu e Bardhi

Këtë të hënë, Sekretariati i Etikës do të mblidhet për të shqyrtuar dy kërkesat e paraqitura nga mazhioranca dhe opozita, lidhur me përjashtimin e tre deputetëve që përdorën fjalë dhe tone fyese në seancën plenare të së enjtes së kaluar.

Kërkesat janë për tre deputetët: Taulant Balla, Klevis Balliu dhe Gazment Bardhin.

Demokratët kërkuan përjashtimin e Taulant Ballës me 60 ditë për fjalët ndaj deputetes së PD-së Albana Vokshi.

Ndërsa PS kërkon përjashtimin me 10 ditë për Gazment Bardhin, i cili po ashtu përdori gjuhë të papranueshme në Kuvend si dhe 30 ditë për Klevis Balliun që tentoi të godiste kreun e grupit të PS-së.