Nga 5 mijë lekë të vjetra deri në 100 euro/ “Foleja” e prostitucionit në Tiranë, 3 të arrestuara, çfarë zbuloi policia

Tre shtetase të huaja janë arrestuar në Tiranë, pasi u kapën duke ushtruar prostitucion në një apartament të marrë me qira në bulevardin “Zogu i Parë”.

Sipas Policisë, gjatë një operacioni të koduar “Rental house”, specialistët për Hetimin e Krimeve në Komisariatin Nr. 3 konstatuan se apartamenti po përdorej për këtë veprimtari të kundërligjshme. Në pranga ranë dy shtetase kineze dhe një shtetase tajlandeze.

Po ashtu, u proceduan penalisht 6 shtetas të tjerë, të dyshuar se kanë përfituar nga aktiviteti i paligjshëm. Gjatë kontrollit u sekuestruan një shumë parash, e dyshuar e përfituar nga prostitucioni, si dhe 4 aparate celularë.

Policia bën me dije se hetimet vijojnë, nën drejtimin e Prokurorisë së Tiranës, për identifikimin e personave të tjerë që mund të jenë të përfshirë në këtë rast. Materialet procedurale janë referuar Prokurorisë për veprime të mëtejshme.