Opozita është duke mbajtur ditën e sotme protestën e paralajmëruar kundër qeverisë, në sheshin para kryeministrisë.
Mes shumë personaliteteve, bie në sy dhe prania e disa deputetëve, të cilët më herët janë pozicionuar kundër grupimit të ish-kryeministrit Sali Berisha, “Rithemelimit”.
Mes këtyre figurave të njohura bie në sy prania e Jozefina Topallit, Famur Nokës, Xhelal Mziut, Ervin Saljanit, Rudina Hajdarit, Oerd Bylykbashit, Luciano Boçi, Marash Logu e Dhurata Çupi. Gjithashtu nga aleatët opozitarë, veç Ilir Metës që është edhe bashkëorganizator i tubimit, janë të pranishëm Agron Duka, Dashamir Shehi dhe Fatmir Mediu.
Nga ana tjetër deputetët që mungojnë sot në protestë janë Enkeled Alibeaj, Jorida Tabaku dhe Gazment Bardhi.
