Në përvjetorin e parë të ndarjes nga jeta të bashkëshortit të saj, Gert Bogdanit, Edlira Çepani ka ndarë një mesazh prekës në rrjetet sociale, duke shprehur dhimbjen, mallin dhe dashurinë që familja ruan për të.
Me fjalë të ndjera, ajo përkujton figurën e tij si një njeri i dashur, i respektuar dhe i përkushtuar ndaj vlerave dhe kauzave që e shoqëruan gjatë jetës.
“1 vit pa ty Gert! Duket edhe si një përjetësi, por edhe sikur ishte dje që na dhe përqafimin e fundit… Çdo ditë e çdo vit pa ty do duket si një përjetësi, e do duket serish sikur të kemi aty në çdo moment! Dhimbja nuk kalon me kohën, thjesht na e lehtësojnë pak barrën njerëzit që na duan e tek të cilët gjejmë mbështetje dhe ngushëllim…
Jemi të bekuar se kaq shumë njerëz na kanë dashur e na duan fort, kaq shumë miq nga e gjithë bota që të kujtojne me mall dhe respekt, e që sot janë sërish duke të kujtuar ty, si një dritë që ndriçoje zemrat e kujtdo që kishe pranë. Ne do e vazhdojmë hap pas hapi misionin tënd, do t’i ngremë lart gjithë vlerat dhe kauzat për të cilat ti luftove fort, deri sa të kemi jetë! Të duam pafund e do jemi çdo ditë plot mall, deri ditën kur të takohemi sërish, drita jonë!
We love you daddy! You’ll always be our rock! We will always be the “fantastic four” and we know you still smile to us from heaven!”-shkruan Çepani.