“Nuk ju kam votuar kurrë, por…”/ Rama ndan MESAZHIN e qytetarit: Protesta ka marrë për kot

Kryeministri Edi Rama ka ndarë në rrjetet sociale mesazhin e një qytetari, i cili shprehet kritik ndaj protestës që po zhvillohet aktualisht në vend.

Sipas postimit të Ramës, qytetari Amarildo Kaçaniku thekson se nuk e ka votuar asnjëherë kryeministrin, por shton se protesta ka devijuar nga qëllimi fillestar dhe se pjesëmarrësit po përdoren për interesa të tjera.

Kreu i qeverisë shkruan se vendosi t’i japë “sinjalin” që qytetari kërkoi në fund të mesazhit të tij, duke publikuar letrën ku ai e cilëson veten si “armik politik” të Ramës, por njëkohësisht shpreh shqetësimin se situata nuk duhet të çojë në destabilizimin e vendit.

Postimi i kryeministrit ka sjellë reagime të shumta në rrjetet sociale, ndërsa protesta vijon të mbetet në qendër të debatit politik në vend.