Një ngjarje e rëndë ka ndodhur mëngjesin e kësaj të hëne në Durrës, ku babai ka goditur me thikë vajzën. Ngjarja ka ndodhur në lagjen 12 të qytetit bregdetar dhe vajza e plagosur është dërguar në spital, teksa nuk dihet gjendja e saj.
Mësohet se babai ka shkuar në një agjenci imobiliare ku punon e bija dhe e ka goditur me thikë. Burime nga vendi i ngjarjes bëjnë me dije se ai ka goditur edhe një person tjetër. Policia ndërkohë ndodhet në vendin e ngjarjes dhe po punon për zbardhjen e rrethanave.
