Kreu i ri i SPAK Klodian Braho i ka kërkuar kolegëve të tij prokurorë të posaçëm hetime efikase dhe rezultate me dosjet e vjetra dhe të mbartura. Sipas kryeprokurorit Braho këto dosje kanë krijuar “backlog”, pra, çështje që duhej të ishin trajtuar, por kanë mbetur pas dhe janë akumuluar me kohë.
Nga studio e “Top Story”, analisti Arjan Curri deklaroi se sipas informacioneve të tij, në ditët në vijim SPAK do të lëshojë fletarreste për zyrtarë të lartë të policisë, të cilët sipas tij janë të përfshirë në grupe kriminale ose që kanë lejuar narkotrafikun.
“Narkotrafiku apo narkoterrorizmi nuk ndodh vetvetiu dhe në Shqipëri ndodh dhe me tolerim të policisë, në ditët në vijim SPAK ka bërë gati fletarreste për drejtues të lartë të policisë. Është faktuar përfshirja e këtyre drejtuesve të artë të policisë në lidhje me krimin”, tha Curri.
