Ka përfunduar seanca në Gjykatën e Apelit të Posaçëm për ish-presidentin Ilir Meta, lidhur me kërkesën e tij për heqjen e masës së sigurisë “arrest me burg”. Gjykata ka vendosur të lërë në fuqi vendimin e mëparshëm, duke refuzuar ankimimin e Metës dhe duke e mbajtur atë në qeli.
Meta kundërshtoi vendimin e Shkallës së Parë të GJKKO, e cila justifikoi masën e arrestit me argumentin se ekziston rreziku i prishjes së provave apo intimidimit të dëshmitarëve, si dhe për shkak të rëndimit të pozitës së tij në kuadër të hetimeve.
Në apel, Meta dhe mbrojtja e tij e konsideruan vendimin “të pajustifikuar”, duke theksuar se hetimet janë përfunduar dhe dëshmitarët kanë dhënë tashmë deklarimet e tyre.
Megjithatë, Apeli nuk e pranoi këtë argumentim dhe konfirmoi masën më të rëndë të sigurisë për ish-kreun e shtetit. Vendimi pritet të shkaktojë reagime politike dhe ligjore në ditët në vijim.