Një 15-vjeçar ndërroi jetë tragjikisht mbrëmjen e djeshme, pasi u aksidentua në aksin rrugor Sarandë-Kasmil.
15-vjeçari po udhëtonte me një 24-vjeçar me makinë, kur në një moment mjeti i tyre pëson defekt dhe ngec në rrugë. Ai doli nga makina dhe nisi ta shtynte, por u përplas nga një makinë tjetër, që drejtohej nga një 20-vjeçar.
I mituri dhe shoku i tij 24-vjeçar u dërguan të dy në spital në gjendje të rëndë, ku fatkeqsisht, 15-vjeçari ndërroi jetë. Në lidhje me ngjarjen ka reaguar dhe familja e tij, teksa gjyshi i të miturit ka bërë një postim prekës në rrjetet sociale.
Postimi i gjyshit të viktimës:
PËRSE IKE KELUUUSH ?
Kelush pse ike kaq shpejt në qiell?
Ti për ne ishe i ngrohtë si Diell…
Përse o Zot na e bëre gjithë këtë gjëmë?
O dhimbje sa një planet e rëndë?!
Buzëqeshjen tënde, dheu si mund ta tresë?
Ike kelush i gjyshit, ike dhe na le pa shpresë,
S’do ti shohim më kaçurelat e tua mbi ballë,
Ti ishe bërë si div, ti ishe dy metër djalë!
Ooh, çna e shkule shpirtin i bukuri Kelush!
Digjemi nga dhimbja jote me shumë se prush!
Ç’qe që kjo gjëmë e zezë të ënjten në mbrëmje,
S’ka masë që mund ta masë të këtillë dhembje !
O Keli ne na u shemb qielli dhe malet mbi kokë
Që mbrëmë, lotët për ty i derdhëm me okë…
Çohu e thuaj një fjalë mama Jones e babit Altin.
Bëra shaka thuaju dhe hidhu në qafë me gëzim!
Përse o Zot, more Kelin pesëmbëdhjetë vjeçarë
Ai ishte rob i Zotit, ishte më i bukuri lastarë?
Oh sa ëndërra të bukura tu prenë, Kelush në mes
Që mbrëmë u mbyllën përgjithmonë sytë e tu të zes!
Smund ta besoj, që s’do vish te gjyshi në Ksamil.
Ti për ne ishe vetë pranvera, më i bukuri trëndafil..!
Kelush, që ke pak orë që s’je mesh, nuk dua ta besoj
Aromën tënde do ta ruaj në shpirt, deri sa të rroj!
Keli, Kelush… Keliiiiii!