‘Pirateria është vjedhje, vjedhje e pastër , njësoj sikur të jesh duke vjedhur një makinë je duke vjedhur një program televiziv. Eventualisht nëse vjedhim të gjitha makinat burgjet mbushen plot por nëse vjedhim tv dhe prodhuesit e filmave burgjet nuk do te jene plot por nuk do të ketë më as njerëz që bëjnë televizion të mirë apo filma të mirë se në fund të ditës për çfarë?’ u shpreh Ledion Liço, Drejtor Artistik TCH, Producent
Zhvillimi i vrullshëm i teknologjisë na ka ekspozuar ndaj rreziqeve të reja, për të cilat ende nuk kemi mundur të mbrohemi. E tillëështë pirateria televizive.Tashmë, përmes internetit, operatorë të shumtë arrijnë të transmetojnë programe të ndryshme televizive, ndeshje sportive, filma, dukumentarë e shumë të tjera duke shkelur të drejtën e autorit. Pra, një aktivitet mjaft fitimprurës mbi punën, kostot dhe prodhimet e të tjerëve.
‘Pirateria vjen si pasojë e tejkalimit të mënyrave të pagesës, besoj nga shtimi i shërbimeve në internet me të drejtë çdo përdorues duhet të paguajë çdo shërbim që e merr online, njerëzit gjejnë aplikacione truke mënyra për të shmangur pagesat’ u shpreh Edmond Liçaj, ekspert IT
Pirateria është ulur këmbëkryq sot në familjet shqiptare në mjaft forma. Ajo cënon privatësinë, por edhe rrezikon hakerimin e të dhënave të kartave bankare pas blerjeve online. Në shumicën e rasteve pirateria në internet bëhet nëpërmjet grupeve anonimë të cilët është e vështirë ti gjurmosh.Nga ana tjetër edhe pagesat bëhen në shumë forma. Ata që merren me piraterinë janë bërë gjithnjë e më të sofistikuar duke gjetur mënyra të reja se sitë vjedhin programe televizive.
‘Nëse flasim për pirtateri në shërbimet mund t’i marrim nga një kanal rus apo amerikan, nuk ka kufi në aspektin e teknologjisë. Pirateria është zhvilluar në kuadrin e zhvillimit të madh digital në botë, kryesisht kryhet online që ka edhe masën më të madhe të piraterisë’ u shpreh Edmond Liçaj, ekspert IT.TCH