Detaje të reja janë dhënë nga policia në lidhje me plagosjen e ndodhur mbrëmjen e djeshme në qytetin e Korçës. Sipas njoftimit personi i akuzuar është 22-vjeçari me iniciale J.R.
Blutë njoftojnë se është identifikuar autori i ngjarjes dhe vijon puna për kapjen e tij.
Korçë/Informacion paraprak
Shtetasi K. Z., 26 vjeç, ka shkuar në spital për ndihmë mjekësore, dyshohet i dëmtuar me mjet prerës, thikë.
Nga hetimet paraprake të kryera dyshohet se shtetasi K. Z., 26 vjeç, është dëmtuar me mjet prerës nga shtetasi J. R., 22 vjeç, gjatë një konflikti fizik.
Shërbimet e Policisë vijojnë kontrollet për kapjen e 22- vjeçarit J. R.
Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.