Plagosje me thikë në Durrës, përfundon në spital një 26-vjeçar

Një ngjarje e rëndë ka ndodhur në Durrës, ku një 26-vjeçar ka përfunduar në spitali pas një konflikti me një tjetër person.

Policia ka njoftuar se i riu është paraqitur rreth orës 14:00 në Spitalin Rajonal të Durrësit me plagë në këmbë të shkaktuara nga një mjet prerës, si dhe me dëmtime fizike.

“Më kthe 15 mijë euro ose…”/ Babai i mori paradhënie për banesën, por ndërroi jetë para se t’ia shiste, 39-vjeçari i dhunoi të birin

Njoftimi i policisë:

Rreth orës 14:00, shtetasi R. K., rreth 26 vjeç, është paraqitur për ndihmë mjekësore në Spitalin Rajonal Durrës, i dëmtuar me mjet prerës në këmbë dhe me dëmtime fizike, si pasojë e një konflikti.

26-vjeçari ndodhet nën kujdesin e mjekëve, jashtë rrezikut për jetën.

Nga veprimet e para hetimore, dyshohet se 26-vjeçari është konfliktuar me shtetasin A. N., rreth 35 vjeç, i cili, gjatë konfliktit, i ka shkaktuar dëmtime fizike dhe e ka plagosur me mjet prerës në këmbë.

Shërbimet e Policisë janë vënë në ndjekje të autorit dhe vijon puna për kapjen e tij.

Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të rastit.

I vihet tritol makinës së agjentit të policisë në Lezhë (EMRI)