Policia ka kryer ditën e sotme një aksion blic në burgun e Peqinit, ku ka kryer kontrolle të imtësishme në qelitë e të burgosurve.
Gjatë kontrollit në godinën B, sektori nr. 2, dhoma 11, kati i parë, policia gjeti dhe sekuestroi disa pajisje digjitale. Në qelinë e të dënuarit Indrit Shaqja u gjet një telefon celular i ndezur dhe në karikim edhe një USB. Për rastin u njoftuan menjëherë strukturat e SHKBB-së për kryerjen e veprimeve të mëtejshme procedurale.
Njoftimi i policisë:
Në bazë të të dhënave operative, strukturat e Policisë së vetë institucionit ushtruan kontroll blic në godinën B, sektori nr. 2, dhoma 11, kati i parë. Gjatë kontrollit, të dënuarit me iniciale I.SH. iu gjet dhe sekuestrua një telefon celular në gjendje pune, i ndezur dhe në karikim, si edhe një USB.
Për rastin u njoftuan menjëherë strukturat e SHKBB-së për kryerjen e veprimeve të mëtejshme procedurale.