Policia Rrugore ka nisur kontrolle intensive në të gjithë vendin për përdoruesit e patinave elektrike dhe ciklomotorëve, duke paralajmëruar gjobitje për këdo që shkel rregullat e qarkullimit.
Sipas njoftimit zyrtar, për patinat elektrike me motor deri në 0.25 kf dhe shpejtësi maksimale 25 km/h, drejtuesit duhet të respektojnë të gjitha rregullat e qarkullimit si çdo mjet tjetër.
Ndërsa për ciklomotorët (përfshirë patinat më të fuqishme) me shpejtësi 25–45 km/h, drejtuesit duhet:
Të jenë mbi 16 vjeç
Të kenë lejedrejtimi të kategorisë AM
Kontrollet janë përqendruar gjithashtu tek:
Drejtimi nën efektin e alkoolit
Përdorimi i celularit gjatë drejtimit
Mosvendosja e rripit të sigurimit
Parakalimet e rrezikshme
Policia apelon qytetarët të respektojnë rregullat dhe të denoncojnë në 112 çdo shkelje që rrezikon sigurinë në rrugë.