Pas reagimit të DASH që vlerësoi dhe njohur rezultatin e zgjedhjeve në Shqipëri, ka reaguar edhe ambasadorja e SHBA, Yuri Kim.
Përmes një mesazhi në rrjetet sociale, Kim ka përgëzuar kryeministrin Edi Rama dhe Partinë Socialiste për fitoren.
Duke mos përmendur LSI-në, diplomatja amerikane vlerëson edhe kryetarin e Partisë Demokratike, Lulzim Basha për atë që ajo e cilesoi si një fushatë të fortë dhe që u dha zë dhe frymëzoi shumë persona. ‘Më e rëndësishmja‘, thotë ambasadorja, ‘ne e përgëzojmë popullin shqiptar, i cili foli qartë’.
“Ne e përgëzojmë Kryeministrin Edi Rama dhe Partinë Socialiste për fitoren e tyre elektorale. Ne gjithashtu përgëzojmë Kryetarin e PD, Lulzim Basha për udhëheqjen e një fushate të fortë që u dha zë dhe shpresë shumë njerëzve. Më e rëndësishmja, ne e përgëzojmë popullin shqiptar, i cili foli qartë. Duke njohur rezultatet e këtyre zgjedhjeve dhe duke bashkëpunuar me njëri-tjetrin, udhëheqësit do të veprojnë me përgjegjësi për të mirën e popullit shqiptar. Ne shpresojmë të punojmë me Shqipërinë për të forcuar më tej bashkëpunimin mbi demokracinë, mbrojtjen dhe biznesin. “, shkruan Kim.
Teksa kërkon njohjen e zgjedhjeve, Kim i kërkon SPAK të ndjekë penalisht ata që kanë bërë krime zgjedhore.
“Ne vërejmë raportin paraprak të OSBE ODIHR presim me radhë përfundimin e fundit, i cili duhet të përdoret për të përmirësuar më tej zgjedhjet e Shqipërisë. Ne përsërisim që zbatimi i ligjit dhe gjyqësori duhet të ndjekin penalisht cilindo që shkel ligjin dhe pengon të drejtën e qytetarëve për të votuar lirshëm dhe në paqe”, tha Kim.”, shkruan Kim./Gazeta SHQIP
