Protesta e djeshme e thirrur nga opozita ka përfunduar me tensione të mëdha, ku gjatë përplasjeve me policinë, janë arrestuar 46 persona. Ngjarja, që ka zgjatur më shumë se katër orë, nisi pas mbylljes së fjalimit të kryetarit të Partisë Demokratike, Sali Berisha. Pas fjalimit, mbështetësit e tij hodhën fishekzjarrë dhe molotovë drejt Kryeministrisë, duke shpërthyer dhunë në zonën përreth.
Përplasjet u intensifikuan më pas edhe para Kuvendit, ku protestuesit vazhduan të demonstrojnë pas përfundimit të tubimit kryesor në Bulevardin ‘Dëshmorët e Kombit’. Policia ndërhyri për të kontrolluar situatën dhe pas disa orësh ka shpallur arrestimin e 46 individëve për aktet e dhunshme. Ky zhvillim ka nxitur shqetësime të mëdha për sigurinë dhe rendin publik gjatë protestave.