Banorët e fshatit Kalivaç të njësisë Administrative Trebinjë, janë ngritur në protestë pasi kundërshtojnë mbylljen e rrugës së vjetër që lidh fshatin me qytetin e Pogradecit.
Pas ndërtimit të rrugës së re Qukës -Qafplloçë, është vendosur mbyllja e rrugës së vjetër pasi konsiderohet burim aksidentesh por sipas banorëve kjo rrugë lidh 3 fshatra me rrugën e re si dhe përdoret prej tyre edhe për të aksesuar tokat bujqësore.
Banorët kanë bllokuar qarkullimin e mjeteve për disa minuta në shenjë proteste duke shkaktuar tension për drejtuesit e mjeteve që lëvizin në këtë aks.
