Protestuesi qëllohet me plumb gome në bark, dërgohet në gjendje të rëndë te Trauma

Një protestues ka mbetur i plagosur rëndë gjatë protestës, pasi dyshohet se është qëlluar me plumb gome në zonën e barkut.

I plagosuri është transportuar me urgjencë drejt Spitalit të Traumës në Tiranë, ku ka mbërritur në gjendje të rëndë shëndetësore.

Sipas informacioneve paraprake, protestuesi po i nënshtrohet një ndërhyrjeje kirurgjikale, ndërsa ende nuk ka të dhëna të plota mbi rrethanat në të cilat u plagos.

Pritet që në vijim të zbardhen më shumë detaje për ngjarjen dhe gjendjen shëndetësore të tij.