Kreu i Partisë Demokratike, Sali Berisha ka njoftuar ditën e sotme se në protestën e ditës së hënë, të pranishëm do të jenë dhe partitë aleate opozitare.
Berisha theksoi se është dakordësuar me forcat e tjera politike të opozitës për mobilizimin e të gjitha potencialeve në një betejë vendimtare. Gjithashtu, Berisha kërkoi angazhimin e qytetarëve, pasi sipas tyre, është radha që ta përcaktojnë vetë fati ne vendit.
“Forcat politike të opozitës, të mbledhura sot, vendosën të mobilizojnë të gjithë potencialet e tyre në një betejë vendimtare, në revolta vendimtare për t’u ndarë nga kjo e keqe e madhe që i ka rënë Shqipërisë mbi krye. Është një sistem pengmarrje i paimagjinueshëm. Janë të marrë peng në zinxhir.
Ndaj dhe njëherë kërkoj largimin e tij të menjëhershëm nga qeveria, qeverinë për të përgatitur zgjedhjet e reja dhe rikthimin e Shqipërisë në rrugën e ligjit dhe Kushtetutës. PD dhe opozita kërkojnë shtetin ligjor, kushtetutshmërinë e vendit në Shqipëri. Ndaj dhe iu është drejtuar qytetarëve me bindjen më të madhe se është radha e tyre për të përcaktuar me revoltën e tyre fatin e vet, të familjeve dhe të mbarë vendit.”- tha Berisha.
