Ambasada e SHBA-së në Shqipëri ka organizuar dje një ceremoni për Festën e Pavarësisë, ku kanë marrë pjesë edhe zyrtarët më të lartë të shtetit shqiptar.
Ambasadorja amerikane në Shqipëri, Yuri Kim, me anë të një statusi në rrjetin social Twitter ka postuar foto nga momentet e festës.
Në fotot e publikuara nga ambasadorja Yuri Kim shihen në ceremoni kryeministri Edi Rama, kreu i bashkisë Tiranë Erion Veliaj, Presidenti Ilir Meta, Kreu i Kuvendit Gramoz Ruçi dhe kryedemokrati Lulzim Basha.
Në këtë takim nuk mund të mungonte ambasadori i BE në Shqipëri, Luigi Soreca, i cili ka qenë krah politikanëve shqiptarë.
“E nderuar të festoj 244 vjetorin e tonë me Ilir Metën, Edi Ramën, Gramoz Ruçi, Erion Veliaj, Lulzim Bashën. Faleminderit të gjithëve miqve shqiptarë për urimet. Shohim përpara për festime më të mëdha vitin tjetër”, shkruan ambasadorja Kim në postim.
