Rama ndan fotot nga mbrëmja në kryeqytet, qytetarë që shohin Botërorin në shesh dhe të tjerë që protestojnë: Kjo osht Tirona jonë, Tirona kontradiktës

Kryeministri Edi Rama ka postuar në rrjetet e tij sociale foto nga protesta e 37-të që u zhvillua sot para Kryeministrisë, krahas fotos nga futbolldashësit, të cilët po ndjekin nga sheshi :Skënderbej” ndeshjen e Botërorit, Portugali-Spanjë, që po zhvillohet paralelisht me tubimin.

Kreu i qeverisë thekson larmishmërinë e zgjedhjeve të qytetarëve në Tiranë duke shkruar “kjo osht Tirona jon, Tirona kontradiktës”.

“Live nga kryeqyteti i Europës së Ballkanit

Kjo osht Tirona jon, Tirona kontradiktës

E luftës, e paqes, errsirës dhe e dritës

Mashtrimit të vërtetës, shpifjes interesit,

e qejfit dhe e stresit, ahengut dhe biznesit”,- shkruan Rama, duke risjellë për publikun disa vargje nga një këngë e tij.