Policia e Shtetit lajmëroi të dielën për një “furtunë” ndryshimesh në radhët e saj, të dytat brenda 3 javësh dhe që realizohen në kuadër të vijimit të procesit të konkurrimit për grada.
Midis ndryshimeve të lajmëruara, ishin ato të drejtuesve të dy komisariateve në Tiranë, i krerëve të Policisë së Lezhës e Beratit si dhe ish-drejtori i Qarkullimit Rrugor, Krenar Ahmeti, i emëruar në postin e zv/drejtorit të Sigurisë Publike të Qarkut Durrës.
Disa nga ndryshimet e lajmëruara zyrtarisht brenda Policisë së Shtetit
Drejtor në Drejtorinë e Policisë së Qarkut Lezhë emërohet Arben Hajdarmataj
Drejtor në Drejtorinë e Policisë së Qarkut Berat është emëruar Altin Qato
Shef i Komisariatit të Policisë Nr.1 në Qarkun Tiranës është emëruar Gazmend Hamitaj
Shef i Komisariatit të Policisë Nr. 2 në Tiranë është emëruar Dritan Dorda
Zv/Drejtor për Sigurinë Publike në Qarkun Durrës emërohet Krenar Ahmet
14 tetor 2012 (gazeta-Shqip.com)