Përndjekja, fyerjet, denigrimet dhe përdorimi i paautorizuar i fotove dhe të dhënave personale në rrjete sociale janë bërë një shqetësim serioz për shoqërinë. Në 24 orët e fundit, Policia e Tiranës ka regjistruar të paktën pesë kallëzime në lidhje me këto raste, ndërsa përgjegjësit janë proceduar në gjendje të lirë ose janë shpallur në kërkim.
Shtetasit që po hetohen janë:
V. T., 20 vjeçe, e dyshuar se ka hapur dy profile false në rrjete sociale duke përdorur të dhënat e një 21-vjeçareje;
F. D., 35 vjeç, i dyshuar për hapjen e një profili në rrjete sociale me fotografitë e një 42-vjeçareje;
G. J., 46 vjeç, i akuzuar për komente fyese në profilin e një 46-vjeçareje;
D. Xh., 29 vjeç, i dyshuar për përndjekje në rrjete sociale ndaj një 30-vjeçari;
G. Q., 52 vjeç, i shpallur në kërkim, për hapjen e një profili fals me të dhënat e të cilit përndjek një 41-vjeçare.
Materialet janë referuar Prokurorisë së Tiranës për veprime të mëtejshme.
Policia apelon qytetarët të raportojnë çdo rast të ngjashëm për të garantuar sigurinë dhe dinjitetin e të gjithë përdoruesve në rrjete sociale.