Dhjetë ditë nga kontrolli i parë, Policia dhe forcat e FNSH-së kanë zbarkuar sërish në kampin MEK në Manëz të Durrësit.

Forcat e policisë janë vendosur në hyrje të kampit Ashraf 3 dhe kontrollojnë të gjithë mjetet që dalin nga kampi.

Një javë më parë në këtë kamp për shkak të kontrolleve të ushtruara nga Policia me urdhër të SPAK pati tensione, ku përfaqësues të MEK akuzonin efektivët e policisë për dhunë. Si rezultat i këtij operacioni janë sekuestruar kompjutera dhe pajisje të tjera elektronike.

Kontrollet në kampin janë në kuadër të luftës kundër sulmeve kibernetike dhe terrorizmit, pasi ka dyshimet se brenda këtij kampi ka persona që ushtrojnë aktivitet të paligjshëm.