Një ngjarje e rëndë është zbardhur mbrëmjen e djeshme në Fushë-Mëzez, ku një 15-vjeçar është plagosur aksidentalisht me armë zjarri gjatë një konflikti mes dy vëllezërve binjakë. Shtetasi N. P. (29 vjeç) ka qëlluar në drejtim të vëllait të tij F. P. (29 vjeç), por plumbi ka goditur nipin e tij, 15-vjeçarin, i cili ka mbetur i dëmtuar dhe ndodhet në kujdesin e mjekëve.
Për shkak të ngjarjes, N. P. është shpallur në kërkim dhe akuzohet për “Vrasje me dashje” e mbetur në tentativë, “Plagosje e rëndë nga pakujdesia” dhe “Mbajtje pa leje dhe prodhimi i armëve”. Ndërkohë, F. P. është arrestuar pas sekuestros së një sasie kokaine në banesën e tij, për veprën penale “Prodhimi dhe shitja e narkotikëve”.
Ngjarja ka ndodhur në oborrin e përbashkët të banesave të familjes, ku konflikti mes vëllezërve për motive të dobëta ka eskaluar në dhunë. Autoritetet janë angazhuar për hetimin e plotë të ngjarjes dhe zbardhjen e rrethanave të tjera të saj.