Anglia ka mposhtur Kombëtaren shqiptare në stadiumin ‘Air Albania’ me rezultatin 0-2.
Kombëtarja shqiptare arriti ta përballonte mirë presionin e Anglisë gjatë pjesës së parë, por mbrojtja vendase ‘u thye’ në pjesën e dytë, kur Kane shënoi.
Disa minuta më pas, pas një super-rasti të Gjimshitit, i cili nuk u kthye në gol, Harry Kane shënoi sërish, duke i çuar shifrat në 0-2.
Sfida e cila filloi në orën 18:00, u luajt në stadiumin ‘Air Albania’ në kuadër të kualifikueseve të Botërorit.
Kuqezinjtë kanë prerë biletën për në Play Off, ndërsa “3 Luanët” kanë siguruar botërorin prej kohësh, pasi ndodhen në vendin e parë në grup.
Kujtojmë se ditën e enjte, Kombëtarja shqiptare mori një fitore me shumë vlerë përballë Andorrës me rezultatin 0-1.