Sekretari i Përgjithshëm i Partisë Demokratike, Flamur Noka, ka qenë sot në Vlorë për të bërë homazhe në varrin e Ismail Qemalit, me rastin e 28 Nëntorit, Ditës së Pavarësisë së Shqipërisë. Gjatë prononcimit të tij për mediat, Noka ka uruar shqiptarët për këtë ditë të shenjtë kombëtare, por ka bërë një lapsus kur ka thënë se “Skënderbeu ngriti flamurin në Vlorë”.
“PD në këtë ditë feste kombëtare, ditë të shenjtë për kombin shqiptar, uron gëzuar këtë festë, këtë ditë të madhe çdo shqiptari. Është 28 Nëntori, dita kur Skënderbeu ngriti flamurin në Vlorë… ëëë kur Skënderbeu ngriti flamurin në Krujë, dhe Ismail Qemali ngriti flamurin në Vlorë”, ka korrigjuar menjëherë ai lapsusin.
Pavarësisht gabimit të vogël, Noka vazhdoi me urimin për Pavarësinë dhe theksoi rëndësinë historike të kësaj dite për shqiptarët.