Një i ri shqiptar vijon të jetë tema e ditës në mediat britanike dhe kjo, jo pa dëshirën e tij.
I dënuar dy herë për grabitje shtëpish, Dorian Puka për të disatën herë ishte javën e shkuar përsëri në fokusin e “The Telegraph”, me një video ku ai shfaqet duke i dhënë një makine “Ferrari” me vlerë 300.000 stërlina.
Ky artikull u përdor nga politikani me prirje anti emigrantësh, Nigel Farage, i cili drejton një emision në televizionin “GB News”. Madje deputeti Farage publikoi një video editorial në rrjetin social X për shqiptarin nga Lezha.
Këtë të dielë ishte radha e Dorian Pukës t’i përgjigjej. Në një fotomontazh, Puka ka vendosur edhe Farage sikur po darkonin bashkë me nënshkrimin “me vëllain tim Farage”, madje duke etiketuar llogarinë e Farage në Instagram.
Duhet parë reagimi i Farage pas këtij fotomontazhi.
Home Office, Ministria e Brendshme britanike tha për “The Telegraph” se Puka nuk mund të dëbohet nga Anglia, pasi kërkesa e tij për azil do të shqyrtohet nga një tribunal emigracioni.