Ish-ministrja e Jashtme, Elisa Spiropali, ka reaguar pas ndarjes nga jeta të Servet Pëllumbi, duke e cilësuar atë një figurë me integritet dhe ndikim të veçantë në jetën politike dhe institucionale të vendit.
Në mesazhin e saj, Spiropali thekson se Pëllumbi e jetoi politikën me qetësi, përgjegjësi dhe dinjitet, duke kujtuar rolin e tij në një periudhë sfiduese për Partia Socialiste e Shqipërisë.
“Ai, në një nga momentet më të vështira të Partisë Socialiste, kur lideri i saj ishte në burg, arriti ta mbajë opozitën të qëndrueshme, me besim te vlerat e majta”, shprehet ajo.
Spiropali ndalet edhe te kontributi i tij si drejtues i Kuvendit, duke e përshkruar si një model të balancës dhe komunikimit politik që ndikonte në uljen e tensioneve dhe rritjen e cilësisë së debatit.
“Si Kryetar i Kuvendit, mbeti një shembull i qetësisë dhe i një gjuhe që ulte tensionin dhe ngrinte nivelin e diskutimit politik, duke forcuar besueshmërinë e institucioneve”, vijon reagimi.
Në fund, ajo e përkujton Pëllumbin si një personalitet që i dha peshë dhe dinjitet institucioneve shqiptare, duke e mbyllur mesazhin me fjalët: “Prehu në paqe, Profesor!”.