Ka nisur normalisht votimi në Himarë për kryetarin e ri të bashkisë.
Bëhet e ditur se në orën 07: 10 banorët e Himarë fshat kanë nisur të votojnë në qendrën e votimit te shkolla greke në Himarë. Ata kanë pritur derisa është hapur qendra e votimit.
Ndërkohë në garë për postin e kryetarit të Bashkisë së Himarës është Vangjel Tavo i Partisë Socialiste dhe Petro Gjikuria i opozitës.
Të dy kandidatët do të përballen “kokë më kokë”, teksa zgjedhjet e sotme pritet të kthejnë qetësinë në Himarë pas sagës që nisi në vitin 2023 me arrestimin e Fredi Belerit dhe më pas edhe të kryetarit në detyrë, Jorgo Goro.
Në Himarë janë 36 qendra e votimi, te të cilat u përfundua shpërndarja e materialeve zgjedhore, kjo sipas njoftimit të kreut të KQZ-së, Ilirjan Celibashit. 52 policë do të jenë në qendrat përkatëse të votimit për mbarëvajtjen e situatës.