Të dielën zgjedhjet e pjesshme! Rama me kandidatët socialistë në podkastin ‘Flasim’

Kryeministri Edi Rama ka ftuar kandidatët e Partisë Socialiste që do të garojnë në zgjedhjet lokale të së dielës në podcastin e tij “Flasim”. Gjatë diskutimit, Rama ka përmendur kandidatët që do të konkurrojnë për postet e kryebashkiakëve, duke i njohur ata më nga afër me audiencën.

Kandidatët që u prezantuan në këtë episod ishin Brunilda Mersini, që do të kandidojë për bashkinë e Vlorës, Gramoz Sako për Tepelenën, Ervin Ceca për Beratin, dhe Florenc Doka për Cërrik. Rama, në mënyrë humoristike, i përshëndeti ata duke theksuar se “Brunilda është veshur me të zeza për të qenë në harmoni me dekorin”.

Në prag të heshtjes zgjedhore që nis nesër dhe zgjedhjeve që do të mbahen të dielën, Rama i ftoi të gjithë kandidatët të vazhdojnë angazhimin e tyre në fushatën zgjedhore, duke përmendur emra të tjerë të rëndësishëm si Altin Bojni, që gjithashtu do të marrë pjesë në procesin zgjedhor.