Në mbyllje të fjalës së tij në mbledhjen e grupit parlamentar, kryeministri Edi Rama ka propozuar hapjen e një “ode” siç e quajti, për organizimin e mbledhjeve mes anëtarëve socialistë dhe simpatizantëve.
Rama ka propozuar që kjo odë të mbahet në muajt mars dhe nëntor, për të diskutuar dhe për të pasur një dialog të brendshëm.
“Të përqendrohemi te fokusi, dhe propozoj që marsin dhe nëntorin t’i bëjmë dy muaj të familjes tonë që të rikthehemi aty ku e kemi burimin, për të hapur një odë të dialogut të brendshëm me anëtarë dhe simpatizantët tanë për gjithçka duam dhe duan të ndajnë me ne”, tha Rama.
