Telefonatë për bombë te Prokuroria e Përgjithshme, alarmi i rremë që mobilizoi policinë

Një telefonatë për bombë pranë zonës së 9-katësheve, ku ndodhet edhe Prokuroria e Përgjithshme, ka ngritur në këmbë policinë gjatë kësaj pasditeje.

Në qendrën telefonike të policisë ka mbërritur një telefonatë për lëndë plasëse të vendosur në një makinë.

Forcat e rendit, por edhe ato xheniere kanë kontrolluar me hollësi zonën dhe në fund ka rezultuar se alarmi ishte i rremë.

Policia ka rrethuar zonën për të shmangur çdo rrezik të mundshëm, por pas kryerjes së të gjitha procedurave, ku janë kontrolluar edhe makinat e parkuara përreth, nuk është gjetur asnjë lëndë e dyshuar plasëse.