Deputeti i Partisë Socialiste për qarkun e Fierit, Klevis Jahaj, është paraqitur ditën e sotme në ambientet e Prokurorisë së Posaçme kundër Korrupsionit dhe Krimit të Organizuar.
Ende nuk dihen arsyet e thirrjes së tij në SPAK, ndërsa nuk ka pasur asnjë informacion zyrtar nga institucioni lidhur me paraqitjen e deputetit.
Pas daljes nga ambientet e Prokurorisë së Posaçme, Jahaj nuk dha asnjë deklaratë për mediat e pranishme, duke shmangur komentet mbi arsyen e vizitës së tij.
Pritet që në vijim të ketë më shumë detaje lidhur me këtë paraqitje në SPAK.