Analisti Arion Sulo është përplasur mbrëmjen e sotme në ‘Top Story’ me gazetarin Arbër Hitaj.
Gjatë debatit mbi çështjen Balluku dhe kompetencat e SPAK-ut, gazetari Arbër Hitaj është shprehur se pjesa e pezullimit të zv.kryeministres është një terren i patentuar më parë dhe i pabazuar në ligj. Nga ana tjetër, analisti Arion Sulo u shpreh se ai ishte duke argumentuar në bazë të ligjit, mbi të cilin, sipas tij, Hitaj nuk ka mjaftueshëm dijeni.
Pjesë nga debati:
Hitaj: Nuk hiqet asnjë kompetencë SPAK-ut. Është rregullim. Çfarë thotë neni për imunitetin? Unë nuk e marr apriori atë që vjen nga mazhoranca. Pezullimi është një terren i patentuar më parë dhe nuk është në ligj, te pjesa e imunitetit. E para, ky ligj nuk ka një emër, p.sh. Kryeministër Edi Rama, është vakum.
Sulo: Ja ku e ke ligjin o Arbër.
Hitaj: Nuk e ndau pra, nuk e ndau.
Sulo: Kur nuk i di, mos u fut, ta nxora dhe ligjin, unë po lexojë.
Hitaj: Ti s’di të citosh.
Sulo: Ti je kodra pas bregut. Unë po lexoj. E more vesh çfarë ka thënë për imunitetin gjykata?
Hitaj: GJK nuk e sqaroi.
Sulo: Ti mirëqë nuk qenke jurist, por nuk qenke as gazetar.
Hitaj: Ti ke sasi, jo cilësi.
Sulo: Mos bëj këtë muhabet me mua. Je injorant juridik.
Hitaj: Ti as intelektual mediatik nuk je.
