Plaget nga sulmi tek lagjia “Myslym Shyri”
Sulmi i qenve të rrugës i mori jetën një 58-vjeçari në Elbasan, por duket se episodet nuk do të ndalen. Rasti fatal në Elbasan u pasua nga kafshimet me plagë të rënda në rrugën “Myslym Shyri” në Tiranë ku një i ri përfundoi në spital, por dje një tjetër rast është shënuar në Bulqizë.
Si pasojë e sulmit të qenve të rrugës, një 28-vjeçare ka pësuar dëmtime të rënda dhe është transportuar për në spital, ku dhe ka marrë ndihmën e nevojshme mjekësore.
Ndërkohë, pranë Agjencisë për Mbrojtjen e Konsumatorit në një vit janë referuar mbi 1 mijë raste të kafshimit të qenve të rrugës dhe që prej 2 vitesh Bashkia e Tiranës ka nisur një projekt pilot, për vaksinimin dhe sterilizimin e tyre.
4 maj 2018 (gazeta-Shqip.com)