Kancelari gjerman, Friedrich Merz, ka theksuar sot rëndësinë e marrëdhënieve të ngushta të Gjermanisë me Shtetet e Bashkuara, gjatë një takimi me gazetarët në bazën ushtarake të Munsterit.
Deklarata e tij vjen pak orë pas komenteve të presidentit amerikan Donald Trump, i cili njoftoi se po shqyrton tërheqjen e trupave amerikanë nga disa baza ushtarake jashtë vendit.
Merz u shpreh se marrëdhënia transatlantike mbetet një partneritet “veçanërisht afër zemrave tona dhe personalisht për mua”, duke i dhënë ton dialogut mes Berlinit dhe Uashingtonit pas tensioneve mbi politikën ndaj Iranit.