Ish-prokurori Arjan Ndoja, aktualisht deputet i zgjedhur i Partisë Demokratike nga zgjedhjet e 11 majit, ka dhënë sot dëshminë e tij në Gjykatën e Posaçme kundër Korrupsionit dhe Krimit të Organizuar (GJKKO), lidhur me atentatin e ndodhur ndaj tij në nëntor të vitit 2019.
Ndoja është përballur në sallën e gjyqit me dy të pandehurit, Plarent Dervishi dhe Julian Meçe, të cilët akuzohen për atentatin e armatosur që tronditi opinionin publik më shumë se pesë vite më parë.
Gjatë seancës, Ndoja është pyetur edhe për një letër anonime, që sipas tij i është lënë poshtë derës së banesës pas atentatit. Ai nuk ka dhënë detaje konkrete mbi përmbajtjen e letrës, por shtoi se ajo përmbante kërcënime dhe referenca ndaj ngjarjes.
Avokati Isuf Shehu, mbrojtësi i Julian Meçaj: Pse e ke këshilluar babain e Julian Meçaj?
Ndoja: Përderisa unë kam marrë plumba dhe nuk i jam debitor askujt, i thashë Basir Meçes, shiko se na kanë ardhur plumba, nuk i meritojmë. Ia kërkova Basirit ta hiqte djalin ta çonte jashtë si mik, si prind. Unë mendoj se po na bënin intriga. Përhapja e një të gënjeshtre si e vërtetë është intriga.
-Letra anonime poshtë derës, pas ngjarjes. Dyshohet se ti si prokuror, ke ndërhyrë në një çështje ligjore.
Ndoja: Te letra që më erdhi nuk kishte asnjë të dhënë, asgjë të shënuar, as procedimi. As nuk dihet kush e solli atë letër. E mendova thirra Basirin, ia tregova se çfarë mendoja.
Julian Meçaj – Arjan Ndoja:
-Në 2001 ke filluar punë. Të kanë ardhur disa letra anonime? Si prokuror, a ia keni dorëzuar organeve?
-Ndoja: Jo.
-Meçe: Ti thua nëse do kishe borxh, do e shlyeje medoemos. Si do e ktheje?
Gjykata e refuzon pyetjen.
Debate në sallën e gjyqit. Julian Meçaj, ish- prokurorit:
-Katolikët e Shkodrës deri te katolikët e Pogradecit, trafikantëve u ke qethur lesht.
SPAK: Në vitin 2019, cili ka qenë pozicioni juaj?
Ndoja: Prokuror.