Gjendet në Tiranë 14-vjeçarja nga Durrësi që u largua nga banesa mëngjesin e sotëm. Lajmi konfirmohet për TCH nga policia e Durrësit e cila e shpalli të miturën në kërkim pas marrjes njoftim nga familja e saj.
Ndërkohë policia e Tiranës ka informuar atë të Durrësit për të kthyer të miturën tek familja e saj. Dyshohet se vajza mund të jetë konfliktuar me dikë dhe ka marrë vendimin e largimit nga banesa, duke lënë dhe një shënim “Po largohem, mos më kërkoni”.
Sipas informacionit të fundit, vajza 14-vjeçare nuk është paraqitur në shkollë këtë mëngjes dhe familja iu drejtua policisë.
