Më datë 14 janar 2025, rreth orës 08:20, policia e Kosovës ka marrë informacionin se një trup i pa jetë është gjetur në lumin “Drini i Bardhë”, afër urës së fshatit Rugovë.
Hetuesit nga Sektori Rajonal i Hetimeve në Prizren dhe zyrtarë nga Drejtoria Rajonale e Policisë së Gjakovës kanë dalë në vendngjarje dhe kanë konfirmuar se trupi përkon me personin e zhdukur Arban Hisari, i lindur më 1998.
Pas inspektimit të trupit, janë gjetur dokumentet e viktimës në emër të Arban Hisarit dhe rrobat që ai kishte veshur, të cilat përputhen me ato që ai kishte ditën kur u raportua i zhdukur nga familjarët. Kjo ka bërë që autoritetet të konfirmojnë se trupi i pa jetë është i viktimës së lartpërmendur.
Për këtë rast është informuar edhe prokurori i shtetit, ndërsa hetimet vazhdojnë për të zbardhur shkaqet e kësaj tragjedie.