Dy vëllezërit, Durim e Valter Bami dhe Marklen Haka janë lënë të lirë nga policia, pas shoqërimit ditën e djeshme në lidhje me atentatin ndaj Gentjan Bejtjas, ku mbeti i vrarë kunati i tij Ramazan Sino dhe u plagosën dy fëmijët e tij të mitur 13 dhe 10 vjeç.
Ata kanë deklaruar në policinë e Krujës, por mësohet se dëshmia e tyre nuk e ndihmuar grupin hetimor për zbardhjen e ngjarjes.
Bëhet me dije se kanë mohuar të kenë dijeni për atentatin, duke përjashtuar mundësinë se kanë konflikte me Gentjan Bejtjën.
Valter Bami i cili ka deklaruar se ka qenë në banesën e tij dhe ka mohuar se ka marrë pjesë në atentat, duke treguar dhe kamerat e banesës së tij.
Ndërsa Marklen Haka ka pretenduar se ka qenë në banesën e tij dhe nuk ka lidhje me ngjarjen.
Pritet që ky i fundit të merret në pyetje nga policia, nëse dëshmia e tij do të ndihmojë në hetime.
Armët kallashnikovë bashkë me gëzhojat e gjetura në vendngjarje janë dërguar në Laboratorin e Policisë
Shkencore dhe pritet përgjigje nëse janë përdorur të treja për të qëlluar, si dhe nëse janë përdorur në ndonjë ngjarje tjetër kriminale.
