“Unë s’lexoj filxhan”/ Ngjela TALLET me Berishën: Që kur më vdiq gjyshja s'merrem me përralla

Në një lidhje të drejtëpërdrejtë me “Breaking”, analisti Spartak Ngjela, ka folur në lidhje me zhvillimet politike në vend, ndërsa është ndalur në rikthimin e Bashës në PD, lëvizjes e sekretarëve në PS, shpalljen e non-grata të Berishës dhe aksionet e SPAK.

I pyetur nëse do kishte një mundësi që Berishës t’i hiqej non-grata, Ngjela tha se kjo është veçse një “përrallë”.

Moderatorja: A mendoni se Sali Berishës do i hiqej non-grata nëse Donald Trump do rikthehej në pushtet?

“Se di unë, këto janë përralla. Mua që kur më vdiq gjyshja, nuk jam marrë më me përralla. Dhe ka një gjë, që filxhanin e kafesë, nuk e njoh. Po ta njihja, do të thosha, që filxhani i kafesë thotë këtë. Unë di vetëm se si luhet loja”, tha Ngjela.