Në një aktivitet të vecantë Këshilli Bashkiak dhe Bashkia e Gjirokastrës i kanë akorduar titullin “Qytetar nderi” mjekut të mirënjohur Tritan Kalo. Në organizimin e zhvilluar në kodrën e obeliskut kanë qënë të pranishëm zëvendësministri i mbrojtjes, Petro Koçi, përfaqsues të pushtetit vendor, institucioneve publike, mjekë, intelektualë, të afërm të tij, etj.
Mjeku Tritan Kalo, me origjinë nga qyteti i Gjirokastrës ka një karierë të spikatur në fushën e mjekësisë dhe vecanërisht në sëmundjet infektive.
Për 38 vjet ai ka kontribuar edhe si mësimdhënës në fakultete të ndryshme të mjekësisë. Së fundi sfida dhe kontributi i tij në përballjen me sëmundjet infektive kulmuan më punën e çmuar të doktor Tritan Kalos në situatën aktuale të pandemisë së covid 19.
Pjesëmarrësit në ceremoninë e organizuar në Gjirokastër vlerësuan punën e tij si një prej personaliteteve të mjekësisë në vendin tonë.
